Nunavut kavamanga
Nunalingni Kavamatkunillu Pivikhaqautikkut
Upalunggaiyainirmun Nunatigutlu Havakvia

Amigaitqiat 30 ukiut, Nunalingni Kavamatkunnilu Pivikhaqautikkut (CGS) tuniughaivaktun upalungaiyaqnikkut uvalu nunatigut kivgaqtuqniq piyaangani qayangnaqtumik, ihuaqtumik maligatigut havakniq Nunavunmi. Una qagitauyaliqivik pihimayuq tunihiluni piyaaqniqmun nunalaat pinahuaqtait, nunauyaliuqnikkut,maligatigut uvalu atugahaq ikayuqlugit Nunauvnmiun nunatigut piiliuqnikkut havaanik.



Nunallaani Igluqarvikhanut Upalungaiyautikhait

Nunalaani upalungaiyaiyi ikayuqtut Haamlatkunik hanaiyautiblugit aalanguqtiqniqni nunalaamingni, imaatun nutaat iglut inuqangniq angiklivaliangman, nutaanik auladjutighanik ikayuqlugit kivgaqtuqtut uvalu ihuaqhiyuumiqlugu inuit nayuqpaktait. Upalungaiyaqnikkut kivgaqtuutit ilauyut ihivgiuffaaqniq uvalu angigutit aviktauhimayut uvalu naunaiyainikkut pinahuaqtatik; ikayuqhutik maliguagahanik nunatigut atungnikkut uvalu nunalaat upalungaiyaiyut tukhiutinik uvalu hulidjutinik; ikayuqhugit havaknikkut uvalu ihuaqhainikkut Nunalaat Maligainik, kikliliutauhimayunik Maliganik, havaklutik maliktaghanik.

Nunallaani Igluqarvikhanut Upalungaiyautainut unalu Igluqarvikhanut Naunaiyautainut Maligakhat

Takulugit hapkua aalat ikayuutighat:

Community Plan

Nunaliqinikkut

Nunaliqiyut ikayuqtiuyut aulahimaaqhutik ikayuqtut haamlatnun mighaanun alaatqiinik nunatigut titirqiqinikkut ihuiguhuutinik ilauyut maligahautiliqiyut pidjutait uvatun Nunanut Titirqiqinikkut Maligat. Pitquyauhimayuq hapkununga Nunakut titirqiqinikkut Nunavunmi naunaiyaqhimayuq hapkunani Nunavut Nunataarnikkut Angiqatigiigutimi, Ilangani 14, naunaiyaqhimayuq titirqiqinikkut uvalu atuqniaqnikkut munaginiq hapkunani Upalungaiyainirmun Nunatigutlu Havakvia. Titirqiqiyup munagiyait hapkua Nunatigut Naunaiyautait ilauyut havakhugit hapkua Kamisinap Nunatigut Titirqiqiniq ilauyuq haffumunga nunat naunaiyaqhimayut uva "Kamisinap Nunaa" titiraqhimayuq Ilangani 14mi uvalu kitut aalat nunat titirqiqitauhimangitut uvani Nunat Atiit Havakviani, upalungaiyaqhugit uvalu munagihimaaqhugu aalakiit nunatigut pihimayut titirqat uvatun nunanik nanminiqaqtut akiliqtuiyut, uvalu ikayughugit nunalaani haamlat quyaginaq nunatigut pihimayut ihuiguhuutit nuigaangata. Havaghugit nunatigut havauhiit, Upalunggaiyainirmun Nunatigutlu Havakvia malighaqtait hapkua Kaminsinap Nunatigut Maligaa uvalu Maliguagahait uvalu Iliugaqhimayut ihumaliugutingit, atuqhimmaqtait uvalu idjuhighait ilauyut nunatigut auladjutit uvalu munaginianiklu.

Nunalingni Kavamatkunillu Pivikhaqautikkut piliuqtait hitamat:

Ilait nunalaat-tapkuaqpiaq titirqat piinagialgit iliugaqlugit:

Community Plan

Naunaitkutit uvalu nunauyaliuqniq

Nunauyaliqinikkut kivgaqtuqtut pihimayut ilauyut naunaiyaqhimayut nunauyat tamaita taksiqangitut nunalaat Nunavunmi. Qangataqhimayut piksaliutit piyagiaqaqtut piksaliuqhimaaqataqtughat pihimayaangani uvagut nunauyaliqidjutit. Naunaiyaqhimayut nunauyat iliugaqtaaqtut uvanga qagitauyaliqivikmi uvaluuniin pilugit uqaqvigilugit Aviktughimayuni Nunallaami Upalunggaiyaiyi uvaluuniin Tutqikhaiyimin, Upalunggaiyainirmun Nunatigutlu Kangikhidjutinik Havauhiit uvani Kugluktumi. Nunauyanik Iqalungni, uqaqvigilugu Iqaluit Upalungaiyainirmun Havakvia.

Iliugaiyumavit nunauyanik uvalu naunaitkutitinik? Naqitlugu naunaitkutait ataani uvaluuniin pilugu nunalaaq hamanga nunauyamin:


Naunairumagungni maligatigut naunaiyaidjutikhanut, naunaitkutarilugu una NRCAN-mut takuyakturviinnut ataani.:


Nanminiriyanut Naunaiyainiq

Nunalingni Kavamatkunillu Pivikhaqautikkut (CGS) havaariyait Nanminiriyanut Naunaiyainiq unalu Itkaptaaksiutinut Maligaq Maliguagakhallu, pihimayunut uumunga Nanminiriyanut Naunaiyainiq. Kiinauyaliqiyikkut havaariyaat nanminikhanut nunanut taaksiutikhanut. CGS-kut havaariyakhait ukuatut:

  • Nanminiriyanut Naunaiyainiq tamainnut nunanut ihuaqhaidjutikhanullu Nunavunmi
  • Piliuqhugit Naunaikhidjutikhanut Naunaiyaidjutauyunut unalu Naunairiikhimayut Naunaiyaidjutit (Certified Assessment Rolls)
  • Tuniqhainikkut Naunaikhidjutinik Naunaiyaidjutinut nanminiqaqtunut nunanik unalu Naunairiikhimayut Naunaiyaidjutit Haamlatkunut

Naunairumagungni uqaqvigilugu:

Nanminiriyanut Naunaiyainiq:

Nunavut Kavamangat Nanminiriyanut Naunaiyainiq unalu Itkaptaaksiutikhanut kaantraaqaqtuq
Nanminiriyanut Naunaiyainiq Havagvia, Qikiqtaaluk Kuapaliisitkut
PO Box 1228, Iqaluit, NU, X0A 0H0
Hivayautaa: (867) 979-8446
Qaritauyakkut: gt.assessment@shaw.ca Uvaluuniin bradshaw.assessment@gmail.com

Uvaluuniin

Nunanut Nanminiriyanut Itkaptaaksiutikhat:

Kiinauyaliqiyikkut, Itkaptaaksikhanut Havagvia
PO Box 2260 Iqaluit, NU, X0A 0H0
Hivayautaa: (867) 975-5837
Qaritauyakkut: propertytax@gov.nu.ca

Nunalaani Upalunggaiyainirmun Nunatigutlu Munaginiq Havauhia (PALS)

https://pals.cgs-pals.ca

Nunalaani Upalungaiyainirmun nunatigutlu Munaginiq Havakvia havakhimayuq ikayuqlugit Nunavunmi Nunatiugut Auladjutit uvalu Upalungaiyaiyit imaa:

  • Munarilugit inmik havakhariyatik (maligakhaliurlutik, laisikhaliuqlutik akilikhilutiklu nunanik atuqtakhainut)
  • Pihimalugu tadjamin uvalu kangiqhittiaqnaqtumik naunaiyautit
  • Havaarihimmaaqlugit titiqqat pihimayut naunairiikhimayunut havaktauyakhanut
  • Nunanut Pihimayunut Naunaikhiyunut havaktauyakhat

Alaat kangiqhidjutit tautuinagialgit: